Секоја диететска програма бара посветеност и почитување на дозволените намирници, количините на оброците, но и времето кога тој оброк се консумира. Ова е одличен начин својот метаболизам да го доведете во најефикасна состојба, но никако не смеете да дозволите вашата исхрана да стане монотона.
Менувајте ги намирниците кои ги јадете и на неколку дена во менито додадете нова намирница затоа што само така ќе успеете да ја постигнете посакуваната цел, а при тоа нема да си наметнете здодевна рутина.
Ова се најчестите грешки кои се прават при изборот на намирници
Со цел што поскоро да се постигнат саканите ефекти многу често се прават грешки во изборот на намирници. Првата грешка која повеќето луѓе ја прават е исфрлање на овошјето затоа што тоа содржи шеќери. Овошјето содржи шеќери, но вид на шеќери кои се природни и тие не влијаат на зголемување на нивоата на шеќер во крвта како што тоа го прават вештачките производи. Овошјето содржи фруктоза која директно влијае на гликогенот во црниот дроб и токму фруктозата го стимулира нивото на енергија која вашето тело ја произведува во текот на денот.
