Дали имате чувство дека вагата стои заглавена на одредена бројка откако загазивте во триесеттите години? Не сте единствени. Вообичаено е да доживеете благ пад на метаболизмот како што поминуваат годините, а со секоја измината година падот е се поголем и поголем.
-
Жените тешко наоѓаат време за здрава исхрана, додека ги балансираат работните и домашните обврски, а во некои случаи и предменструалните симптоми имаат тенденција да ја зголемат телесната тежина во доцните триесетти години
Но, тоа не значи дека треба да се откажете од губење на вишокот на килограми. Кога ќе загазите во триесеттите години, важно е да донесете вистински одлуки и да одберете правилен и здрав начин на губење на тежината, а со овие корисни совети ќе останете во форма уште долго време.
ЈАДЕТЕ ПЕТ ПАТИ НА ДЕН – многу нутриционисти препорачуваат да се јадат три оброци и две ужинки на ден. Оброците треба да бидат добро избалансирани, а според типот на телото и БМИ индексот, побарајте кој е најдобар избор на намирници вас. И не заборавајте да јадете појадок, бидејќи се покажа дека помага во стимулирање на губење на тежината.
ИЗБИРАЈТЕ ВИСОКО ПРОТЕИНСКИ УЖИНКИ – голем внес на протеини ќе ве држи сити два до три часа, но бидете сигурни дека вашите ужинки ќе содржат помалку од 200 калории. Затоа одберете јогурт, варени јајца, протеински шејкови, варено месо и протеински плочки со низок удел на шеќер.
ЈАДЕТЕ МНОГУ ПРОТЕИНИ – бидете сигурни дека сите оброци и ужинки ќе имаат најмалку 14 г протеини и 25 г или помалку јаглехидрати, а состојките проверете ги на декларациите. Добар пример е грчкиот јогурт кој содржи 17 г протеини и 6 г јаглени хидрати, што е идеално за комбинација со други намирници.
ИЗБЕГНУВАЈТЕ ЈАДЕЊЕ ОСТАТОЦИ – никој не сака да фрла храна, но ако постојано јадете по вашите деца, несвесно качувате на килажа. На пример, три парчиња пилешки прсти пржени во масло содржат 142 калории, помфритот уште 136, што е речиси 300 калории на кои не сте сметале.
СЕРВИРАЈТЕ ЗДРАВА ХРАНА – не е лесно да се готви секој ден она што целото семејство го сака, но со готвење здрава храна му правите услуга на целото семејство. Однапред испланирајте добри и здрави оброци.
УСОГЛАСЕТЕ СЕ СО ТЕХНОЛОГИЈАТА – ако ви недостасува мотивација, само погледнете го вашиот мобилен телефон. Повеќето паметни телефони имаат можност за мерење на чекори, а целта треба да биде најмалку 10 000 чекори дневно. Покрај тоа, постојат и апликации кои ќе ви помогнат да го следите она што го јадете и да пресметате дневен внес на калории.
НАЈДЕТЕ ПРИЈАТЕЛИ СО СЛИЧНИ ЦЕЛИ – Дебелината може да биде „заразна“, што значи дека може да добиете на тежина ако се дружите со луѓе кои се со прекумерна тежина. Тоа не значи дека имате право некому да судите за неговата тежина, но имајте на ум дека вашите врсници и пријатели влијаат на вашиот избор. Опкружете се со пријателите кои уживаат во активности и рекреирајте се заедно.
НАСПИЈТЕ СЕ – ако имате бебе или мало дете, добар сон е мислена именка за вас. Сепак, експертите се согласуваат во едно: спиењето е клучно за губење на тежината. Недостатокот на сон може да влијае на хормоните кои го регулираат апетитот, што доведува до зголемување на телесната тежина. Одете на спиење секој ден во исто време, затемнете ја спалната соба и исклучете ги мобилните телефони и компјутери.
РАЗМИСЛЕТЕ ЗА ДОДАТОЦИ ВО ИСХРАНАТА – иако не е докажано дека влијаат на губење на тежината, додатоците во исхраната може да го подобрат вашето целокупно здравје. Започнете со мултивитамини, а ако сакате повеќе, вклучете рибино масло, витамин Д, витамин К и пробиотици во вашата исхрана. Пред да одлучите да ги вклучите, задолжително консултирајте се со вашиот лекар, пишува „Everydayhealth“.
