Без разлика на возраста, полот или работните обврски преку денот, на сите ни е потребен по некој час дневно за кратка, но ефикасна релаксација која ќе ни помогне да ги наполниме батериите и да продолжиме понатаму со нови сили. Сите имаме различен метод за опуштање, кој помалку или повеќе, ни помага потоа да ги оствариме дневните активности. Но, покрај тоа што се разликува од индивидуа, се разликува и во различни земји. Еве како луѓето од другите држави се релаксираат, па можеби ќе добиете идеја и вие како да одморите од дневниот стрес и проблеми:
Луѓето во Аргентина најчесто забораваат на дневните проблеми преку дружба со пријателите со безалкохолен освежителен пијалак. Тие често пијат мартеј – чај кој изобилува со кофеин. Овој „пријателски“ пијалак се пие со пријатен разговор за дневните активности.
Слично на часовите по зумба, луѓето во Бразил се опуштаат со помош на танцот наречен капоира. Овој танц се изведува со помош на тапани и ритмичко тропање со раце. Танцот започнува со слободно движење на рацете, додека поискусните се впуштаат во напредни потези како стоење на раце и превртувања во воздух, со што се овозможува лачење на ендорфин.
Поради огромниот број на топли термални извори во Ирска, релаксирањето во топлата вода претставува омилена форма на релаксација. Додека уживате во водата се опуштате и стресот ќе исчезне заедно со пареата од изворот. Дефинитивно еден одличен начин на релаксација.
Во Индија како што можеби веќе претпоставувате, омилениот начин на релаксација е токму јогата. Но не секој вид на јога, туку јога која ќе ве насмее. Телото е способно да препознае вистинска од лажна смеа, па така Индијците ги спојуваат овие два начини на опуштање. Јогата ќе го релаксира телото, додека смеата ќе ви го опушти и мозокот.
Луѓето во Северна Америка се служат со специјална техника на вдишување и издишување за да се ослободат од дневните проблеми. Тие користат лековити тревки кои испуштаат ароматична арома за да им помогнат да се релаксираат.
Во Норвешка најпопуларниот начин на релаксација се долгите прошетки низ природа. Без разлика на временските услови, Норвежаните секогаш наоѓаат време за да го поминат во природа и да се ослободат од стресот и проблемите.
