Тројца од десет Британци се каат што присуствувале на породувањето на нивните жени, покажало неодамнешното истражување. Имено, повеќе од половина од мажите рекле дека сакале да им пружат поддршка на своите сопруги, но 47 отсто од нив навеле дека не биле потполно подготвени за улогата на „бабици“.
Само еден од 10 мажи изјавил дека се чувствувал корисно за време на породувањето, додека другите се опишувале себеси како „бескорисни“, „нервозни“, „преплавени со чувства“, „резервни делови“.
Дури 48 отсто од мажите признале дека постојано правеле погрешни работи, како што е милување на грбот на сопругата, на која не и годел допирот во тој момент, а 34 отсто рекле дека плачеле
Особено интересен е примерот на маж кој ставил престилка и ракавици и се фотографирал со својата сопруга, а потоа ја објавил фотографијата на социјалните мрежи.
Една третина од жените биле загрижени за своите сопрузи – како се справуваат со породувањето, дали им е досадно и дали сакаат да бидат присутни, пишува „Independent“.
Најчестите работи што мажите ги прават во салата за породување:
-
Плачат;
-
Поставуваат прашања за медицински инструменти;
-
Спијат;
-
Се искрадуваат за да купат нешто за јадење;
-
Ги користат друштвените медиуми;
-
Им пречат на докторите и медицинските сестри;
-
Им даваат совети на лекарите и медицинските сестри;
-
Поставуваат глупави прашања на медицинскиот персонал;
-
Ги фотографираат сопругите;
-
Си играат со медицинската опрема, вклучувајќи го и надувувањето на гумени ракавици;
-
Прават непристојни шеги;
-
Прават селфи;
-
И зборуваат на својата партнерка дека се „изгледа лесно“;
-
Ставаат слушалки во ушите;
-
Гледаат филмови;
-
Цртаат;
-
Се жалат дека им е досадно;
-
Слават гол на фудбалски натпревар.
