Во време кога сите сме изложени на стрес, а во голема мера и на нездрав начин на живот, болеста не прашува за возраст или период од денот. Но кај некои заболувања поголема е веројатноста дека ќе „удрат“ во одредено време. Стручњаците истакнуваат дека и нашиот имунолошки систем е ускладен со циркадијалниот ритам, односно внатрешниот часовник кој управува со телото. Станува збор за часовник кој работи во позадина и го регулира сонот. Но швајцарските научници дошле до докази дека и имунитетот делува во склад со нив. Иако многу сознанија се втемелени на истражувањата над глувци, научниците веруваат дека тие можат да бидат корисни за темпирање на терапиите кај одредени заболувања и за луѓето.
Срцевиот удар е поопасен наутро
Инфарктот најчесто напаѓа во утринските часови и тогаш последиците се многу посериозни од оние кај инфарктите кои се случуваат во текот на ноќта, покажале резултатите од истражувањата. Докажано е дека бројот на белите крвни зрнца кои се борат против бактерии, вируси и габички расте во текот на денот, па и нивото на заштита на срцето наутро не може да се мери со она во текот на денот.
Воспалението на белите дробови напаѓа после пладне
Научниците вршеле испитувања над глувци, па востановиле дека постојат отровни бактерии поврзани со воспалението на белите дробови кои го активираат противвоспалителниот одговор на организмот во нивните бели дробови. Освен тоа, клетките на имунитетот кои се активираат кај воспаленијата делуваат во склад со циркадијалниот ритам. Така, повеќе бели крвни зрнца се собираат во стомачната шуплина, слезината и црниот дроб во послепладневните часови што доведува до подобро чистење на бактериите во тој период.
Паразитиските инфекции се поактивни навечер
Студиите направени над глувци кои се инфицирани со гастроинтестиналниот паразит Trichuris murus покажале дека организмот на човекот полесно се бори против паразити наутро во споредба со оној на глувците.
Астматичните напади се потешки навечер
Студиите покажале дека најлош период за напади на астма е меѓу полноќ и рано утро.
