Лабораториско истражување спроведено на глувци покажало дека примената на хемотерапија влијае на промена на цревниот микробиом, како и на слузницата на цревата, и дека доведува до појава на знаци на воспаление во крвта и во мозокот, како и слабеење на когнитивните функции.
Ова истражување утврдило поврзаност помеѓу промената во цревниот микробиом и слузницата на дебелото црево и активирање на имунолошките клетки кои се нарекуваат микроглии во мозокот.
Имено, секој пат кога хемотерапијата го намалила бројот на бактерии во цревата, дошло и до промена кај тие клетки во мозокот. Појавата на воспаление во мозокот доведува пак до појава на замор, слабеење, како и когнитивни оштетувања.
Се смета дека воспоставувањето рамнотежа во цревниот микробиом со пробиотици или пребиотици, не само што може да ги ублажи нуспојавите од хемотерапијата како мачнина и пролив, туку истовремено може да ги ублажи проблемите со помнењето и со концентрацијата.
