Се чувствувате уморно, исцрпено, поспано? Ве мачи раздразливост и имате тегоби како лошо варење, лош тен, проблеми со кожата? Потребна ви е детоксикација на организмот. Таа се спроведува најмалку два пати годишно: во пролет и есен.
Што е детоксикација?
Детоксикација е чистење на организмот од токсини, тешки метали и вишок течности кои секојдневно се таложат и се внесуваат во организмот преку храна, пијалаци, алкохол, цигари, лекови и поради нередовно движење.
Детоксикацијата на организмот ги оживува клетките, ја подобрува работата на органите и му дава енергија на целиот организам. Затоа е неопходно да се спороведе најмалку два пати во годината и така да се спречи појавата на многу проблеми и болести.
Детоксикацијата има позитивен ефект на зголемувањето на енергијата, концентрација, значи менатлните способности, слабеењето, целулитот, на подобрување на дигестијата, како и на решавање на проблемите со кожата.
Како да се направи детоксикациски план?
За чистење на организмот вклучени се органите од дигестивниот систем, црниот дроб и бубрезите, па при детоксикацискиот план потребно е да се насочи кон нив. За отстранување на вишокот течности заслужни се бубрезите, а за отстранувањето на токсини и тешки метали црниот дроб и органите за варење.
Детоксикацијата се спроведува целно, за да се прочисти целиот организам, почнувајќи од цревата, црниот дроб, кожата и крвта. Така телото се прочистува и обновува.
Детоксикацискиот план треба да се состои од следниве елементи:
- Избегнување на рафинирани намирници (бело брашно, шеќер, масло, бисквити и благо воопшто)
- Избегнување на конзервирани јадења и јадења од ќесичка
- Да не се пушат цигари, да не се пие алкохол, кафе и газирани сокови, како и сокови со шеќер
- Да се намали внесот на месо и млечни производи
- Да се зголеми внесот на свежо овошје и зеленчук
- Да се јаде супа од зеленчук
- Да не се јаде мрсна и пржена храна
- Да се пие 1-2 литра течности (вода и билни чаеви)
- Задолжително да се вклучи телесна активност, како пешачење, трчање, јога или некој спорт
- Да се вклучат чаеви, додатоци во исхраната на база на зелени алги, тинктури од билки
