Иако знаеме дека утринскиот здив е сосема нормална појава и дека на сите им „мириса“ здивот кога ќе се разбудат, сеедно не ни е пријатно. Панично трчаме во тоалетот да ги измиеме забите, за саканата личност со која ја делиме постелата да не ја „отруеме“ со непријатниот здив. Најновата студија покажала дека кај жените во менопауза лачењето на плунката е значително намалено, што резултира со лош здив, кариес и болести на непцата. Проблемот може да се реши мошне едноставно!
Хидрирајте се со сол
Една студија открила дека дури 58 проценти од жените во менопауза се пожалиле на симптоми на сува уста. Осцилациите на естроген можат да го пореметат лачењето на хормоните кои ја регулираат плунката и сувоста на устата, но и да влијаат на здивот. Хидратацијата е решение за овој проблем, а ќе ја поттикнете ако во чаша вода додадете прстофат хималајска сол. Оваа сол содржи калиум и калциум, кои докажано ја зголемуваат апсорпцијата на течности и помагаат усната шуплина да биде подолго хидрирана.
Кокосово масло за испирање
Голем број водички за испирање содржат алкохол, а кој може да ги уништи добрите и лошите бактерии во усната шуплина, а со самото тоа да „резултира“ и со сувост на усната. Решението за овој проблем лежи во лажичка кокосово масло. Доколку секојдневно го користите докажано е дека ја намалува појавата на кариес за 60 проценти и гингивитис за 56 отсто така што ги открива штетните бактерии од усната шуплина и го зголемува лачењето на плунка. Земете лажичка од ова масло, па наизменично вшмукувајте го и притискајте го преку забите, така да поминува низ процепите меѓу нив. Кога ќе завршите измијте со топла вода и измијте ги забите како и обично.
Џвакајте после оброк
Џвакањето гуми за џвакање го зголемува лачењето на плунка за 10 пати повеќе од вообичаено, а важно е кои видови гуми за џвакање ги користите. Ксилитолот е природен засладувач кој го поттикнува лачењето на плунка и го одржува Пх нивото во устата на оптимално ниво така што спречува размножување на лошите бактерии. Се препорачува 20 минути џвакање после некое јадење или пијалак.
