Веќе долго е познат фактот дека секоја болест има свој “мирис“. Посебно дресирани кучиња дури се способни да намирисат и да предупредат луѓе на одредени видови на напади, па дури и на рак.
Научниците водени од овој феномен, од неодамна работат на проект кој со помош на здивот би можел да “намирисаат“ дури 17 болести, меѓѕу кои маларија, рак и Паркинсонова болест.
Станува збор за производ на израелскиот институт за технологија кој досега покажал точност од 86% во тестирањето. Здивот на секоја личност е со различен хемиски состав, и често зависи од возраста, полот, па дури и расата, како и од други биолошки фактори.
Освен во Израел, оваа технологија се развива и во САД, каде точноста на резултатите преку тестирање на здивот изнесуваат 83%.
Според експертите, дијагнозата преку здив набрзо ќе ги замени сите останати начини на испитувања (како брис и вадење крв), и ќе може да детектира поголем распон на болести.
