Музиката ја поттикнува друштвената поврзаност, когнитивната стимулација, менталното здравје, задоволството и трансценденција. Научниците ги истражуваат и физиолошките предности на пеењето.
Пеењето во хор му користи на менталното здравје така што ги подобрува изгледите за опоравување од менталните болести, покажале резулатите од истражувањата на британските научници од Универзитетот Источна Англија.
Хорското пеење, појаснуваат истражувачите, придонесува за јакнење на самодовербата и самопочитта, што пак директно ја намалува можноста за враќање на симптомите на менталните болести. Ова конкретно истражување во Психијатриската болница во Норвиш ги опфатило пациентите кои имале стручна помош од школуваните пеачи, а подобрувањето на нивната состојба била евидентна веќе во рок од неколку месеци.
Ефектот од хорското пеење на менталното здравје го истражувале и на Универзитетот Оксфорд. Нивен заклучок е дека пеењето во хор е најкорисно за зачувување на доброто ментално здравје.
Разговарале со речиси 400 испитаници: некои биле соло пеачи, други пееле во хор, а трети играле некои тимски спортови. Иако сите три активности се покажале како многу добри, пеачите во хор својот клуб го сметале за најзначаен. Неодамна на Sage Journal е објавена студија која покажала како пеењето ја поттикнува дрштвената поврзаност, когнитивната стимулација, менталното здравје, задоволството и трансценденцијата.
Научниците сега ги истражуваат и физиолошките предности на пеењето. Пеењето може да го подобри и здравјето на респираторниот систем. Истражувањата за пеењето и астмата, открило музичката терапија може да помогне кај симптомите, но за ова се потребни дополнителни истражувања.
