Студија објавена во списанието American Journal of Clinical Nutrition покажала дека консумирањето црвено и бело месо имаат исти негативни ефекти на нивото на холестерол во крвта. Тоа е во спротивност со популарното верување дека црвеното месо има полош ефект на холестеролот во крвта, од белото месо.
Според новата студија, белото месо еднакво е штетно за нивото на холестерол како и црвеното месо.
Целта на ова истражување било да се испита дали нивото на атерогени липиди и липопротеини (липиди и липопротеини кои поттикнуваат создавање на масни наслаги во артериите), се разликуваат во исхраната богата со црвено месо во споредба со исхраната во која протеинот се добива од белото месо или немесен извор.
Резултатите од истражувањето покажале дека консумирањето на високи количини на црвено месо или бело предизвикува повисоко ниво на холестерол во крвта во споредба со диетите каде изворот на протеини бил од растително потекло.
Треба да се истакне дека моменталните насоки препорачуваат консумирање на бело, наместо црвено месо како извор на белковини, оти црвеното месо е поврзано со кардиоваскуларните болести.
