Лицата кои се будат порано имаат подобар имунитет и пооптимистични се од “ноќните птици“, покажало истражување на Универзитетот во Торонто, спроведено на 700 лица. Причината за тоа се крие во количината на сон, оти утринските типови во просек подолго и поквалитетно спијат, па и физички се поактивни.
Нашето општество организирано е така да повеќе одговара на билошкиот часовник на утринските типови, а оние кои сакаат да останат подолго будни, почесто се несреќни оти мораат да стануваат за на работа иако повеќе би сакале да спијат, заклучиле научниците.
Истражувањето открило и дека само седум проценти од тинејџерите се “утрински типови“, додека повеќе возрасни во своите 60. години најчесто се будат во зори. Само 7% од лицата над 60 години себе си се нарекле “ноќни птици“.
Истражувачите советуваат дека постои природен начин на кој ноќните типови може да станат ранобудници, а тоа е во текот на денот повеќе да се изложуваат на светлина, да се придржуваат на редовниот распоред и извесно време да се присилуваат на рано легнување и рано станување.
