Не можеме да го бираме здравјето, но можеме да избереме здрав стил на живот.
Што се подразбира под “здрав стил на живот“? Здравиот стил на живот вклучува балансирана и здрава исхрана, доволно телесна активност, доволно одмор и сон, и намалување на стресните ситуации.
НАМАЛЕТЕ ГО РИЗИКОТ ОД БОЛЕСТИ
Здравиот стил на живот во голема мера влијае на зачувување на здравјето, односно намалување на ризиците за појава на бројни болести. Во денешно време препознаена е важноста на зачувување на здравјето, односно превенцијата и спречувањето болести. Со адекватна исхрана и доволна количина на физичка активност може да влијаеме на намалување на ризикот од настанување на хронични и незаразни болести, како што се кардиоваскуларните болести, дијабетесот и некои малигни болести.
Позвразно со телесната активност, општите препораки на СЗО се најмалку 150 минути умерена телесна активност од аеробен тип или 75 минути неделно телесна активност со висок интензитет.
Низ една или повеќе активности во текот на денот може да се собере препорачаното ниво од 30 минути телесна активност дневно, а дополнителни здравствени ефекти може да постигнат со поголема количина активности, зависно од здравствената состојба на поединецот.
ШТО Е ЗДРАВА ИСХРАНА?
Кога се зборува за исхраната, всушност се зборува за урамнотежена исхрана. Таа подразбира консумирање на соодветни количини на намирници од сите групи кои се важни за човековото здравје. Поимот балансирана исхрана често се меша со некои режими на исхрана кои вклучуваат слабеење, но тоа никако не е исто. Ниту една група на намирници оддлено не може да понуди се она што му е потребно на организмот, затоа е нужно комбинирањето на различни видови на намирници (јаглехидрати, белковини, масти, витамини и минерали). Она што е најважно е разновидна исхрана и умереност во количините. Секогаш се препорачува локално и сезонско.
ПОДОЛГ ПРЕСТОЈ ВО ПРИРОДА
Освен исхраната и телесната активност, позитивен ефект на здравјето има и престојот во природа. Обидете се што повеќе од слободното време да минувате надвор. Дали тоа ќе биде прошетка, возење велосипед, планинарење или работа во градината, не е важно. Изберете активност која најмногу ви одговара, што ве прави среќни, исполнети и задоволни.
НЕГАТИВНОТО ВЛИЈАНИЕ НА СТРЕСОТ
Во денешно време, стресот е неизбежен дел од животот и дел од секојдневието. Најчесто го предизвикува лошата организација на времето, незадоволството од работата и меѓучовечките односи, преголемиот број на обврски, емоционалниот стрес и незадоволителната екононска состојба. Стресот може негативно да влијае на здравјето.
На некои стрес тригери секако е потешко да се делува, но на некои секојдневни и тоа како може да се влијае за животот да ни биде полесен.
ВЕЖБАЊЕТО Е КЛУЧ
Вежбањето е извонредна алатка против стресот и помага во полесно соочување со стресните ситуации. Освен тоа, се препорачува порано станување наутро за денот да се започне поопуштенo и без брзање.
Одморајте се доволно. Во слободно време занимавајте се она што ве опушта и помага да на некое време се исклучите од секојдневните грижи и задачи. Пожелно е да се научат некои вежби за опуштање, длабоко дишење, стомачно дишење или некоја медитативна техника кои се алатки за намалување на последиците од стресот. Исклучително е важно и да се спие доволен број на часови, особено ноќни часови.
