Преку зима многу чест проблем е кожата на потколениците и силно чешање. Може да биде присутен и кај децата, но и кај возрасните лица. Чешањето секогаш е проследено и со гребење на кожата, поради што често доаѓа до нејзино оштетување.
Ако чешањето на кожата трае кратко, не е потребен лекарски преглед, но ако трае долго и е упорно, тогаш секако ќе мора да побарате лекарска консултација. Причините за ова упорно чешање може да бидат различни и за време на зимскиот период да бидат и интензивни, поради престој во затоплени простории, ниски надворешни температури и носење на подебела облека.
Кожата, која постојано е гребена може да биде поцрвена во вообичаено, може на неа да се појават мали точки и јазли, може да се задебели и да добие светло кафена боја, што резултира со грд изглед. За да престане ова неконтролирано чешање на потколеницата, најпрво е потребно да се открие причината, па да започне лекувањето.
Многу честа причина е сувата кожа на телото, која за време на зимските месеци е поизразена. Најчесто се јавува поради несоодветната нега на телото, бидејќи во овој период од годината кожата не се негува редовно со лосиони или масла.
Овде не мора да станува збор за алергија, но кај лицата кои имаат атописки дерматитис, алергиската склоност е секогаш во позадина. Атопискиот дерматитис најчето почнува околу третиот месец од животот, а состојбата може да се подобри во третата, шестата година, или во пубертетот. Болеста има свои фази на подобрувања и влошувања, и најчесто е хронична. Кај малите деца почнува со појава на црвенило на лицето, скалпот, на наборите, но може да се прошири и на целото тело. Црвенило, влажнење, создавање на красти на лицето, на темето, на нозете, рацете и на местата кои ги зафаќа пелената, се главните симптоми на болеста во првите неколку месеци од животот. Атопичната кожа е многу сува проследена со затегање и чешање, која дерматолозите ја нарекуваат пруритис.
Видлливи симптоми се лупење и понекогаш рапаво црвено подрачје на лицето и телото, на наборите кај вратот, лактите и колената, како и на дланките и стопалата. Кај возрасните лица атопискиот дерматитис може да биде изразен само на едниот дел од телото, на пример, или на двете потколениците, или само на едната потколеница.
- На кожата на потколениците може да биде изразена и псоријаза, а тогаш кожата е многу црвена и има бели лушпи. Кожата зафатена од псоријаза и не мора да чеша, но црвенилото и лушпите се многу изразени.
- Кај габичните и бактериските инфекции кожата на потколениците исто така може многу да чеша. Ако дијагнозата е импетиго (бактериска инфекција на кожата), видливи се кружни жаришта прекриени со жолти красти, а кај габичната инфекција исто се присутни кружни жаришта, но кожата се лупи. Овие болести се докажуваат со земање брис од кожата.
