Лимонот е овошје богато со лековити хемиски соединенија кои не само што го зајакнуваат имунитетот, туку можат да спречат одредени промени во клетките кои подоцна може да доведат до рак.
Јасно е дека овошјето и зеленчукот треба секој ден да се внесуваат за да се зајакне организмот и да биде помалку подложен на разни болести. Се покажало дека лимонот е одличен за голем број на состојби, добар е против утрински мачнини, старечки пеги, мрсна кожа, проширени вени, акни, воспаление на грлото, сува уста…
Некогаш се консумирал за да се спречи појавата на скорбут, болест до која доаѓало поради недостаток на витамин Ц
Денес, кога исхраната е збогатена со витамин Ц, јасно е дека веќе не постои опасност од оваа болест, но тоа не значи дека лимонот не може да помогне кога се во прашање некои здравствени состојби.
Ако сте настинати, ќе се чувствувате подобро благодарение на важниот витамин во лимонот, бидејќи во организмот ќе дојде до намалување на нивото на хистамин, соединение кое поттикнува запушување на носот.
Ако имате бубрежни камења ќе ви помогне лимонската киселина, која не само што го намалува излачувањето на калциумот, туку спречува и појавува на каменчиња. Доволни се две литра лимонада со што е можно помала количина на шеќер.
Кората на лимонот можете да ја искористите за многу работи, а е одлична и за зајакнување на вените. Во внатрешноста на кората се наоѓаат биофлавоноиди кои ги зајакнуваат капиларите, како и ѕидовите и го спречуваат формирањето на проширени вени, но и појава на болки.
Во внатрешноста на кората се наоѓа уште една состојка која не треба да се заборави, а е позната како лимонен. Освен што го поттикнува црниот дроб да ги отстрани од крвта можните канцерогени супстанции, исто така, помага да се раздели естрогенот на помали делови, што не треба да се игнорира, бидејќи високите количини на естроген се поврзуваат со зголемен ризик од добивање рак на дојка.
Чајот со лимон, исто така, ќе помогне во превенција од рак. До овој заклучок се дошло врз основа на истражување, каде што се покажало дека кај сите кои редовно консумирале чај во кој додавале лимон, била намалена опасноста од добивање рак на кожата.
Најверојатно објаснување е зголемување на дејството на ензимот S-трансфераза, кој го стимулира ослободувањето на организмот од соединенија кои би можеле да предизвикаат рак.
