Доколку ви се случува забите одеднаш да ве заболат кога јадете или пиете нешто ладно или топло, најверојатно имате чувствителни заби, појава која се јавува како резултат на ослабената забна глеѓ или поради повлекување на непцата.
Една од можните причини е дека заштитните слоеви на забната глеѓ се намалиле заради честото консумирање кисела храна и пијалаци, како што се туршијата, доматите, киселото овошје (на пример, цитруси и сокови од цитруси), разните газирани пијалаци, па дури и белото вино.
Обидете се помалку да ги консумирате споменатите намирници, а после нивното консумирање обавезно добро измијте ја усната шуплина со вода. Киселите пијалаци можете да ги пиете со цевка – на тој начин полесно ќе ја заштитите глеѓта на забите.
