Забниот камен е тврда наслага на површината за забот настаната со минерализација на забниот плак. Најлесто се создава во подрачјето на внатрешната страна на долните предни, како и горните странични заби.
Се појавува кога на забите ќе остане биофилм (остатоци од храна) кои не сме успеале да ги отстраниме со секојдневната орална хигиена, а се што останува на површината на забот се минерализира во рок од 48 часа. Од таа причина може да се каже дека за појава на забниот камен подлога е денталниот плак.
Никој од нас не може совршено да ги измие забите, но сите би требало да тежнееме кон тоа да со внимателно одбрани средства за орална хигиена тоа го направиме во најдобар процент, а тоа значи мека четка за заби и средства за чистење на меѓузабниот простор (конец за заби, специјална четка…)
Забниот камен не настанува само кај лицата со лоша орална хигиена, туку може да биде поврзан и со некои ортодонтски аномалии (збиени, изротирани и испакнати заби) при што нивното чистење е отежнато, а со самото тоа и е поголема можноста за создавање на камен. Оваа појава не е е врзана со возраста, па така може да се јави и во детската возраст.
Забниот камен претставува проблем за оралното здравје, бидејќи цврсто залепен на забите тој задржува бактерии и предизвикува воспалние на непцата (гингивитис).
Но со подолго задржување на површината на забите претставува потенцијален проблем за појава на парадонтни болести. Доколку забниот камен не се исчисти подолго време доаѓа до воспаленија во усната шуплина, повлекување на непцата и пропаѓање на потпорниот апарат на забите, што, секако, не е со склад со оралното здравје и може да влијае на општата состојба на организмот.
