Еден час после утринското кафе или попладневното одење во тоалет е нормална рутина, а понекогаш поголемо отстапување може да биде причина за грижа. Промените кај младите лица не се причина за грижа. Впрочем, отстапувањето може едноставно да биде и начин на кој телото ни вели дека не му се допаѓа она што сме го изеле.
Поздравата исхрана која подразбира зголемен внес на влакна кај инаку здрави, млади личности би можела да резултира со отстапувања во варењето. Храна богата со влакна е зеленчукот, па зголемениот внес на оваа храна може да резултира со почести одења во тоалет. Истото важи и за зголемената физичка активност – вежбањето ги зголемува контракциите на мускулите во дебелото црево, па мускулите сиот телесен отпад ќе го исфрлат побрзо од вообичаено. Но постојат и други, посериозни причини за зачестена столица, заради кои би требало да појдете на лекар:
Инфекција – Бактериските инфекции можат да резултираат со почеста потреба за голема нужда, па дури и дијареја. Доколку забележите траги од крв, обавезно појдете на лекар.
Синдром на нервозни црева – Иако инаку се манифестира со болки во стомакот и грчеви, овој синдром може да влијае на зачестеноста на одење во тоалет.
Стрес – Послаби движења на дебелото црево се јавуваат во случаи на стрес, па не можете да одите во тоалет онака како што сте навикнале.
Менструација – Во деновите пред или за време на крвавењето, нормално е да се зголеми зачестеноста за одење во тоалет. Причината за ова лежи во хормонот прогестерон, кој освен што може да предизвика почести одења во тоалет, може да доведе и до пролив, но тоа е нормално.
Премногу кафе – Кофеинот ги стимулира мускулните контракции во цревата, па зголеменото количество кофеин ќе доведе и до чести одења во тоалет.
Воспалителна болест на цревата – Почестата потреба за голема нужда е еден од симптомите на оваа болест. Кај воспалителните болести на цревата се јавуваат и крвави траги во столицата, умор, неиздржлива болка во долниот дел од стомакот и постојана дијареја.
Состав на лековите – Некои лекови како што се антибиотиците, можат да влијаат на микробите во цревата и неретко го менуваат движењето на цревата и доведуваат до пролив. Доколку дојде и до појава на крв и болки, обавезно појдете на лекар.
