Мелената пиперка содржи витамин Е, бета каротен, лутен и зеаксантин, што ја прави одличен природен лек за здравјето на очите и чување на видот. Истражувањата покажале дека консумирањето мелена пиперка го намалува ризикот од дегенеративни болести на очите, катаракта и старечко слепило. Познато е дека содржи и капсаицин, компонента која ги регулира воспаленијата во организмот и позитивно влијае на системот на органите за варење.
Истражувањата покажуваат дека овој зачин го зголемува нивото на добриот холестерол во крвта и така го намалува ризикот од срцеви заболувања. Студиите покажале дека хранливите материи кои ги содржи пиперката успешно го намалуваат оксидативниот стрес кој го зголемува ризикот од појава на карциноми. Исто така, капсаицинот го намалува ризикот од појава на малигни клетки, затоа се смета дека мелената пиперка има антиканцерогено дејство.
Покрај наброените бенефити, мелената црвена пиперка го регулира нивото на шеќер во крвта, содржи железо и витамин А и со самото тоа одлична е за здравјето на крвотокот, а слободно можете да ја користите и при диета. Слатката мелена пиперка можете да ја користите во приготвување на различни јадења, но важно е да се консултирате со стручњак и да проверите која доза смеете да ја користите.
