Зачестеноста на ракот на дебелото црево е во пораст кај младите луѓе, а повеќето од заболените се жени (62 % наспроти 38 %), покажала новата студија која анализирала податоци од 68 699 пациенти со рак на дебелото црево. Инаку, секоја година бројот на заболени од рак на дебелото црево, кои се помлади од 50 години, се зголемува за околу 3 проценти.
Семејната историја на болеста, дебелината и консумацијата на алкохол можат да придонесат за развој на рак на дебелото црево
Исто така, резултатите од истражувањето покажале дека кај младите лица ракот на дебелото црево обично се дијагностицира во веќе напредната фаза на болеста.
На научниците не им е сосема јасно што го предизвикува зголемувањето на бројката на заболени од рак на дебелото црево кај младите лица. Од порано е познато дека семејната историја на рак на дебелото црево, дебелината и консумацијата на алкохол можат да придонесат за развој на рак на дебелото црево.
Треба да се истакне дека 30 отсто од новите случаи на рак на дебелото црево се дијагностицираат кај лица помлади од 55 години.
Се смета дека со скрининг за рак на дебелото црево треба да се започне во 45-та година, наместо на 50-годишна возраст, било истакнато на Неделата на дигестивни заболувања 2018 (Digestive Disease Week – DDW 2018), што се одржа од 2-5 јуни во Вашингтон.
