Најмалку една третина од смртните случаи би можеле да бидат спречени доколку од исхраната се исфрли месото, е заклучокот од истражувањето спроведено на Харвард.
Годишно би биле спасени околу милион Американци доколку од својата исхрана би го елиминирале месото. Тоа е многу повеќе отколку што се очекувало.
Експертите со години се обидуваат да откријат каков вид на исхрана е најдобра за здравјето, а со која би се спречиле предвремените смртни случаи.
Луѓето кои се хранат со вегетаријанска исхрана имаат пониско ниво на лош холестерол и помалку шанси да заболат од хронични болести
Научниците од Харвард тврдат дека нивните резултати покажуваат дека луѓето ги потценуваат придобивките од вегетаријанската исхрана, пишува британски „Телеграф“.
Во последната деценија, истражувањата покажале дека луѓето кои се хранат со вегетаријанска исхрана имаат пониско ниво на лошиот холестерол и помалку шанси да заболат од хронични болести. Исхраната базирана на овошје и зеленчук изобилува со витамините Ц и Е, влакна, фолна киселина, калиум, магнезиум, кои го чуваат и зајакнуваат имунолошкиот систем.
