Уште едно истражување покажало дека исхраната богата со црвено месо е поврзана со поголем ризик од рак на дебелото црево кај жените, особено на дисталниот дел на дебелото црево.
Бројни претходни студии го поврзуваа високиот внес на црвено месо со рак на дебелото црево.
Според мислењето на специјалистите, неделното консумирање на црвено месо би требало да се ограничи на околу половина килограм, за да се намали ризикот од појава рак на дебелото црево.
Во најновото истражување учествувале повеќе од 32 000 жени, кои, во просек, биле следени околу 17 години.
Се смета дека исхраната богата со влакна и внесот на намирници со помала масленост помагаат во намалувањето на ризикот од рак на дебелото црево. Исто така, не треба да се заборави и дека пушењето, консумацијата на алкохол и дебелината, исто така, се поврзуваат со поголем ризик од развој на рак на дебелото црево.
Истражувањето било објавено на 2 април во „Journal of Cancer“.
