Бактериите стафилококи не се секогаш смртоносни и опасни, но според д-р Филип Феј, медицински директор на Универзитетот Небраска, овие бактерии се доволно пријателски да живеат на нашето тело без да предизвикаат било какви проблеми, но кога ќе се прошират на други делови на телото каде не припаѓаат, како крвотокот, зглобовите, белите дробови и срцето, може да предизвикаат потенцијално смртоносни инфекции.
Како се манифестира инфекцијата со стафилокока
Воспалителен процес на кожата
Според зборовите на д-р Феј инфекцијата често се манифестира со појава на воспалителни процеси на кожата. На пример, ако ве касне комарец и пред да го почешате местото сте го допреле носот каде се наоѓа бактеријата, таа лесно може да се пренесе на местото на убодот и да ја инфицира раната.
Труење со храна
Бактеријата стафилокока може да ја зарази и храната каде се множи и произведува токсини, поради кои се чувствува мачнина. Симптомите, како повраќање, пролив и болки во стомакот, обично се јавуваат по шест часа. Готвењето на намирниците може да ја убие бактеријата, но нема да ги елиминира токсините поради кои се чувствуваме лошо. Внимавајте добро да ги измиете рацете пред подготовка на оброкот.
Температура
Хоспитализацијата значи поголем ризик од влез на оваа бактерија во крвотокот, а ако тоа се случи, симптоми се зголемена температура и крвен притисок. Еднаш кога ќе влезе во крвотокот, инфекцијата многу потешко се контролира бидејќи брзо може да се прошири на срцето, коските и останатите органи и да доведе до појава на воспаление на белите дробови, инфекција на коските и обвивката на срцето.
Синдром на токсичен шок
Токсините што бактеријата страфилокока ги произведува може да се множат и да предизвикаат труење на крвта што се нарекува синдром на токсичен шок. Симптомите се треска, повраќање, пролив, болка во мускулите, главоболка и осип по дланките и стапалата.
