Стресот е сличен на настинка – можете да го фатите од други луѓе. Исто како вирус, може да ве остави со чувство на (емоционален) замор.
Стресот може да се опише и како заеднички термин за негативни емоции, како што се грижи, потешкотии и фрустрации.
Во рамки на истражувањето за стрес и однесување, д-р Тони Бјуканан, професор на Универзитетот Сент Луис во Мисури, собрал податоци од илјадници луѓе во задачата наречена „Trier Social Stress Test“.
За време на секој тест, студентите се регрутирале да застанат пред група на луѓе и да одржат јавен говор, а потоа било побарано да пресметаат некои тешки аритметички задачи – во главата. Било осмислено да биде стресно, се до неосетливите изрази на лицето на истражувачите кои гледаат.
„Како резултат на тоа, учесниците стануваа збунети“, изјавил Бјукенан. „Погрешно пресметуваат. Ги забораваат „вистинските“ зборови што сакаат да ги користат“. И покрај тоа што за секој експеримент неговата улога била само како набљудувач, Бјуканан признава: „Почнав да се чувствувам лошо.“
Неговата реакција не е аномалија.
Како луѓе, секогаш сме имале биолошки интерес за подигнување на свеста за тоа како се чувствуваат другите луѓе околу нас. „Ние сме социјални суштества и нашиот опстанок, од еволутивен аспект, е во голема мера зависен од нашата способност за читање на другите, без разлика дали се пријатели или непријатели“, вели Бјуканан, а пренесува „Healthline“.
Кога истражувачите на Универзитетот British Columbia (UBC) ги собрале примероците на плунка од повеќе од 400 основци, откриле дека во училниците каде што наставниците „изгореле“, учениците имале повисоки нивоа на кортизол, т.е. хормон на стрес. Никој не знае колку долго траат последиците од оваа „инфекција“, но еве кратки совети како да ја избегнете:
- Блокирајте се што е негативно околу вас;
- Излезете на свеж воздух;
- Разговарајте со личност во која имате доверба;
- Поставете јасни граници – физички тргнете се подалеку од личноста која го пренесува стресот, се додека не се смири;
- Направете ментален чекор назад – замислете се како посебен набљудувач;
- Не заборавајте на дишењето – дишењето станува се побрзо, па обратете внимание на должината на вдишувањето и издишувањето;
- Изградете свој емоционален имунолошки систем – пронајдете ги работите кои ве опуштаат и со кои ќе ги наполните батериите, а кои можете рутински да ги правите;
- Гледајте напред – кога сте длабоко во стресна интеракција, почнете да планирате што можете да направите потоа за да го намалите притисокот.
