Избаланираното ниво на магнезиум во организмот одржува здрав метаболизам, го намалува нивото на стрес, го регулира сонот и допринесува за здравјето на срцето и на коските, потсетува д-р Мајкл Бреус, познат американски психолог и автопр на бројни книги за потешкотии при спиењето, од кои патат милиони лица ширум светот.
Несоницата е чест симптом на недостаток на магнезиум во организмот. Овој минерал исто така игра една од клучните улоги во регулацијата на механизмот кој го штити телото од последиците на стресот.
Во комбинација со желатинот, магнезиумот ефикасно ќе делува на воспалителни процеси во организмот и ќе го смири телото. Еве едноставен рецепт за освежувачки домашни гумени бомбони на база на магнезиум.
СОСТОЈКИ
- 5 лажици магнезиум цитрат
- 3 лажици желатин во прав
- 250мл сок од лимон
- 2 лажици природен засладувач (мед, стевиа, јаворов сируп)
- Прстофат хималјаска сол
ПОДГОТОВКА
Измешајте го магнезиум цитратот со лимоновиот сок (за да спречите појава на пена, полека додавајте една по една лажица од магнезиумот во прав во сокот од лимон). Кога ќе завршите, излијте ја мешавината во сад, додадете го желатинот и измешајте. Загрејте ја мешавината на тивок оган за желатинот да се стопи и потоа додадете ја солта и засладувачот. Цело време лесно промешувајте за да избегнете појава на пена и варете ја мешавината се додека течноста не се редуцира на количина од ¾ од шолја. Доколку ви фали течност, можете да додадете уште лимонов сок. Готовата мешавина се става во мали калапи како за мраз и се оставаат да отстојат во фрижидер 30 минути. Бомбоните чувајте ги во фрижидер во сад со херметички капак.
Се препорачува дневно да се консумираат максимум пет бомбони, но доколку никогаш преходно не сте земале додатоци со магнезиум, почнете со помали дози.
