Постојат дури три добри страни на стресот, а еве и кои се

Хроничниот стрес поттикнува незадоволство и ја намалува мотивацијата, но во мали дози може да ја зголеми.

Стресот може да има и добри страни, но само кога е присутен во мали количини, како што тврдат стручњаците, бидејќи не прави подготвени за акција, што ги забавува стареењето и болестите. Тоа, секако, не се однесува на хроничниот стрес кој нема ниту една добра страна. Сепак, мали количини секојдневен стрес имаат свои предности.

Поттикнува флексибилност и личен раст – стресот во мали дози не поттикнува на решавање на проблемите, ни гради самодоверба и ни дава вештини потребни за иднината. Не прави и поискусни, пофлексибилни, па со тоа и растеме. Стресот ни помага и храбро да се соочиме со своите стравови и предизвици, наместо да ги избегнуаме. Кога успешно сте се соочиле со своите стравови, сте постигнале вештини заради кои соочувањето со таквите ситуации во иднина ќе биде полесно.

Поттикнува зближување со другите – еден од изненадувачките, но корисни ефекти од стресот е зближување и квалитетни меѓучовечки односи. Социјалниот живот и квалитетните односи со семејството и пријателите се клучни за физичкото и менталното здравје. Луѓето често сакаат своите стресни искуства да ги разменат едни со други, што им овозможува да си ги преиспитаат своите ставови, однесување и емоции. Поминатите периоди на стрес ги засилуваат партнерските и љубовните врски. Поддршката во тешките ситуации е голем фактор на зближување.

Ја зголемува мотивацијата  – хроничниот стрес поттикнува незадоволство и ја намалува мотивацијата, но во мали дози може да ја зголеми. На пример, стресот поради рокови помага во фокусирањето на задачите и тоа тие да се сработат побрзо и поквалитетно. Сите сме се соочиле со таква ситуација, некоја работа да ја развлекуваме со денови, но тогаш ќе се приближи рокот, наеднаш пронаоѓаме мотивација која до тогаш ни недостасувала. Стресот во такви ситуации е креативен и движечка сила која ни е потребна.