Здравје од буре: Киселата зелка како лек!

Сезоната на кисела зелка е во полн ен, но дали знаете дека истата освен што е неверојатно вкусна, без оглед на тоа како сакате да ја консумирате, е и екстремно здрава?! Киселата зелка е вистинска витаминска бомба, таа е вистинско богатство од калиум, железо, магнезиум, сумпор и бакар, помали колчистева натриум и поволен однос на калциум и фосфор, осигурува максимално искористување на калциумот во организмот и ја прави оваа намирница мошне корисна по нашето здравје.

Киселата зелка е една од ретките, ако не и единствена, природна намирница каде човекот успеал да ги подобри, односно да и ги зголеми нутритивните својства низ процесот на киселење. Имено, зелката низ процесот на киселење со ферментацијата создава неверојатно активен кобаламин (витамин Б12), кој инаку го има исклучиво во намирниците од животинско потекло. Од тие причини киселата зелка е неизоставен прехранбен продукт за вегетаријанците.

Повеќегодишните истражувања потврдуваат дека киселата зелка според количеството на витамин Ц може слободно да се мери со лимонот и портокалот (во 100 г зелка има 50 мг витамин Ц). Освен тоа киселата зелка крие вистинско богатство од пиридоксин (витамин Б6), без кои белковините воопшто нема да бидат искористени. Исто така, киселата зелка е извор на ниацин (витамин Б3), потребен за целокупниот метаболизам, размена на материи во мозокот.

Расол

Кај нас е познато дека расолот е напиток кој се одомаќинил како лек за сите тегоби поврзани со дигестивниот тракт и како народен лек за намалување на отоци на зглобовите. Меѓутоа, малку е познато дека сокот од зелка е богат не само со витамин Ц, туку и лековит напиток со широк спектар.

Имено, експериментално е докажано дека со овој сок успешно се лекува чир на желудникот и воспаление на дебелото црево. Поттикнува размена на материи во клетките и поволно делува на слозокожата на цревата. Измешан со сок од морков и репка, се смета за одличен напиток за личностите кои имаат недостаток на калциум. Исто така, им се препорачува на жените во средни години за да се забави процесот на остеопороза.

Лековити својства:

  • Го подобрува расположението;
  • Организмот го прави поотпорен на стрес;
  • Активира размена на материи во мозокот;
  • Помага при создавањето на црвени крвни зрнца;
  • Ја стимулира работата на клетките и делува подмладувачки;
  • Помага при изградбата на коските;
  • Го регулира и намалува количеството на масни материи и холестерол во крвта;
  • Го зајакнува имунитетот и ја зголемува силата на мускулите;
  • Придонесува за обновување на истрошеното сврзно ткиво.

ПОВРЗАНИ НАПИСИПОВЕЌЕ ОД АВТОРОТ