Според резултатите на студијата која анализирала податоци од над 81.000 деца, гестацискиот дијабетес на мајката и големата телесна тежина при раѓањето, тројно го зголемуваат ризикот од развој на прекумерна тежина кај децата.
Како и пушењето, консумирањето алкохол и другите животни навики, телесната тежина на мајката пред бременоста, како и дебелеењето и зголемувањето на нивото на шеќерот во крвта за време на бременоста, имаат значајно влијание на идното здравје на децата.
Треба да се истакне дека според мислењето на стручњаците, здравата бременост почнува многу пред воопшто некоја жена да забремени.
Резултатите од оваа студија покажале дека стапката на прекумерна телесна тежина и гојазност изнесувала 43% кај децата кои имале поголема родилна тежина и чии мајки имале гестациски дијабетес. Стапката на прекумерна телесна тежина и гојазност кај децата кои биле со просечна родилна тежина и чии мајки немале гестациски дијабетес изнесувала 21%.
Стручњаците подвлекуваат дека прекумерната телесна тежина на детето при раѓањето повеќе допринесува за развој на дебелина во детството, во споредба со гестацискиот дијабетес на мајката.
Не треба да се заборави дека доењето во текот на првите пет месеци од животот на бебето, го намалува ризикот од прекумерна телесна тежина за 25%.
