Научниците веќе докажале дека постои врска меѓу здравјето на органите за варење и менталното здравје. Претходни истражувања покажале дека пробиотиците може да го намалат стресот и да го подобрат менталното здравје, а сега докажале дека постои поврзаност помеѓу анксиозноста и микроорганизмите на цревата.
Научниците, правејќи експерименти на глувци, откриле дека глодарите кои биле чувани во средина без бактерии, поради што во цревата немале бактерии, ниту други микроорганизми, имаат поинаков микро РНК – молекули во префронталниот кортекс и амигдалата, области во мозокот задолжени за чувството на анксиозност и депресија.
Откритијата покажале дека здравите црева се неопходни за правилно функционирање на тие делови на мозокот. Истражувањето на Институтот Корк покажало дека глувците со оштетен гастринтестиналниот микробиом и оние кои никогаш го немале, страдаат од абнормална анксиозност и депресија, како и дека имаат ослабени социјални и когнитивни функции.
Сепак, истражувачите истакнуваат дека се потребни уште многу студии за овие откритија да се применат кај човекот, бидејќи се уште не е откриен точниот механизам по кој бактериите влијаат на микро РНК од мозокот.
“Можеби ќе биде можно да се менува микро РНК во мозокот, за да се лекуваат психијатриските заболувања“, вели д-р Џерард Кларк, еден од авторите на студијата.
