Младата пченица содржи пет пати повеќе железо отколку спанаќот, седум пати повеќе витамин Ц од портокалите, како и седум пати повеќе бета-каротен од морковот. Ова покажува дека е природен мултивитамин и драгоцена ризница на здравјето.
Една лажица прав од млада пченица заменува 600гр свеж зеленчук или овошје – морков, целер, магдонос, спанаќ, пиперка, портокал. Младата зелена пченица е богата со аминокиселини, витамини, минерали, ензими и хлорофил.
Сојузник во здравјето
Тревата од млада пченица се употребува илјадници години и поради нутритивните вредности, и поради лековитите својства. Младите зелени листови и нивната вредност ја препознале уште старите Египќани, подоцна Грците, како и Римјаните и Кинезите. Ја употребувале за чистење на крвта, бидејќи ги врзува за себе тешките метали, како живата и ги отстранува од организмот. Младата пченица содржи хлорофил, кој благодарение на антисептичките својства, помага во борбата против вирусите и бактериите, а воедно спречува и развој на габи.
Познато е дека помага и при пречки во варењето, како и при чир. Младата пченица е сојузник и во јакнењето на имунитетот и детоксикацијата, помага при настинка, кашлица, делува против ревтамолошкки и кожни болести. Ефикасна е и во регулирањето на шеќерот во крвта, помага за здравјето на забите и усната шуплина. Таа е детоксикациско средство, ги неутрализира и ги отстранува токсините и слободните радикали од организмот. Сокот од тревата од пченицата одлично делува при чистење на лимфите.
За виталност
Младата зелена пченица поволно влијае и во превентивни цели, а особено е ефикасна при нередовната и еднолична исхрана, за отстранување на заморот, помага при стрес, како и кај ослабениот имунитет, и кај алергиите и кожните промени. Може да ја употребуваат и трудници, доилки, деца, спортсти, сите оние што сакаат да ја повратат виталноста и силата во организмот.
Повеќето луѓе пченичната ја консумираат преработена во сок поради тоа што потешко се вари.
Пченица може да засадите и сами, во домашни услови. Зрната пченица оставете ги во вода неколку дена да изртат, потоа во закопајте ги во сад со земја. Оставете да стои на светло, но не на сонце. Полевајте ја редовно. За десетина дена веќе треба да никне.
