Краткотрајното зголемување на консумирањето на шеќер може да го зголеми ризикот од воспалителни болести на цревата, и да има значајно влијание на здравјето, покажува ново истражување кое го спровеле канадски научници од Универзитетот Алберт.
Се покажало дека глувците имаат зголемена чувствителност на хемиски индуциран колитис и потешки симптоми по само два дена консумирање на намирници со висок процент на шеќер. Кај нив било воочено поголемо оштетување на ткивата на цревата и нарушен имунолошки одговор.
Се смета дека овие резултати го потврдуваат она што многу пациенти со колитис го зборуваат веќе подолго време, дека мали промени во исхраната може да поттикнат одредени симптоми.
Консумирањето намирници кои се богати со влакна делуваат како гориво за добрите бактерии кои живеат во цревата и создаваат масни киселини кои се вклучени за ефикасен имунолошки одговор. Додека консумирањето намирници со висок удел на шеќер, како и намалениот внес на намирници богати со влакна, ги хранат лошите бактерии како ешерихија коли, кои се поврзани со воспаление и нарушен имунолошки одговор.
