Лошиот здив не значи само дека треба да ги измиете забите – укажува и на проблеми со цревата

Ако често чувствувате надуеност или патите од лош здив, можеби работата не е само во тоа дека премногу јадете или нередовно ги миете забите. Можно е да имате посериозни проблеми со цревата.

Проблемите со здравјето на цревата може да не прават уморни, но може и да доведат до големи здравствени проблеми, вклучително и дијабетес. Доктор Мишел Вулхаус од Викторија, во Австралија ги наведува симптомите на лошото функционирање на цревата на кое би требало да се посвети внимание.

Првиот знак кој укажува на проблеми е нередовната столица. Секој ден би требало да имаме една до три столици.

„Честите дијареи и опстипација се знак дека со цревата нешто не е во ред и дека е потребно да се појде на преглед“, наведува доктор Вулхаус.

Чувството на надуеност е вообичаено за личностите кои се пречувствителни на одредени намирници. Како што велат докторите, надуеноста заради преголемо производство на гасови во цревата, а причина за тоа може да бидат стресот и нетолеранцијата на некоја храна.

Стручњаците препорачуваат следење на тоа како желудникот реагира на различни намирници како што се зачините кои треба да се исфрлат од употреба во слуачј ако се забележи дека прават проблеми.

„Исто така, ако често чувствувате болка во пределот на стомакот, тоа може да биде јасен сигнал дека ви е потребен преглед“, вели доктор Вулхаус.

Ако патите од рефлукс и киселина, добро ви е познато специфичното чувство на печење. Постојат повеќе причини за овие состојби, а една од нив може да е неправилната работа на цревата. И здивот може да сигнализира на разни проблеми, вклучително и инфекција на забите и устата. Но меѓу нив е и лошата работа на цревата. Појдете на стоматолог, но и гастроентеролог.

И на крајот, ако ви се сменил апетитот, а не сте сигурни зошто можеби би било добро да појдете на лекар. Доктор Вулхаус вели дека ова би можело да биде знак дека дигестивниот систем правилно не ја обработува храната која се консумира. Освен што се препорачува користење пробиотици, за да се зголеми присутноста на здрави бактерии во цревата, струњаците упатуваат и на водење дневник на исхрана.