Лицата во средно животно доба со ниво на хормонот на стрес – кортизол, повисоко од просечното може да имаат проблеми со помнењето, укажува нова студија во која учествувале повеќе од 2.000 возрасни лица. Во истражувањето се покажало дека лицата со зголемено ниво на кортизол во крвта имаат значително полоши резултати на тестовите за помнење. Истовремено кај нив е воочен помал волумен на ткивото во одредени делови на мозокот.
Се смета дека овие резултати укажуваат дека хормонот на стрес може да влијае на структурата и на функцијата на мозокот дури и години пред да се појават првите проблеми со помнењето.
Со оглед дека кортизолот влијае на многу различни функции, исклучително е важно во целост да се истражи како високото ниво на кортизол може да влијае на мозокот.
Освен што е познат како хормон на стресот, кортизолот исто така има улога во регулирање на крвниот притисок, шеќерот во крвта, како и имуниот одговор на воспаление.
