Сите жени имаат влакна на лицето и телото, но тие се обично мошне тенки и со светла боја, па потешко се забележуваат. Проблем обично имаат потемните за разлика од оние со посветол пигмент или руса коса. Влакнетоста кај жените се јавува во староста или како резултат на хормонска нерамнотежа, а може да биде индикација и дека нешто сериозно се случува во организмот и е последица на некој здравствен проблем. Претераната и несакана влакнетост на женското лице и тело се вика хирзутизам.
Може да биде резултат на многу работи:
Години
Ако доживете убава старост, односно го прославите 80 или 90 роденден, тогаш ризикувате да почне да ви расте брада како на мажите. Некои жени можат да развијат влакна на лицето и порано, односно за време на менопаузата затоа што произведуваат помалку естроген.
Гени
Проверете ги жените во вашето семејство. Ако тие добиле неколку ’џбунчиња’, голема е веројатноста дека истата судбина ќе ве погоди и вас во одредени години.
Хормонско пореметување
Хормоните се причина за многу проблеми, а растот на влакната на лицето може да биде еден од нив. Особено ако сте бремени – кога вашите хормони работат засилено, затоа нека не ве загрижува ако забележите вишок влакненца. Тоа е привремена појава.
Полицистични јајници
Ова е разумна вообичаена состојба која влијае на начинот на работа на женските јајници. Постојат три главни симптоми: неправилни периоди, полицистични јајници и вишок „машки хормони“. Ако сте загрижени заради ова, би требало да појдете и да поразговарате со својот доктор.
Кушингов синдром
Влакната на брадата можат да бидат последица на Кушингов синдром, колекција на симптоми предизвикани од високо ниво на хормонот кортизол. Останатите симптоми можат да вклучуваат стрии, зголемена телесна тежина, губиток на либидо и слабост во мускулите и коските.
