Освен што телото се менува како резултат на промената на килограмите за време на бременоста и после породувањето, лицето на новопечената мајка може да се смени и тие промени да останат трајни. Дебата на оваа тема покрена пејачката Шерил Кол, чии фанови забележале големи промени во нејзиниот изглед. Таа во своја одбрана рекла дека не се подложила на никакви хируршки интервенции, туку дека се е резултат на бременоста и породувањето. И не е единствена што го тврди ова. Многу познати дами рекле дека фотографиите пред и по породувањето се најдобар доказ за ова.
Лекарите само ги потврдиле нивните тврдења и застанале во нивна одбрана – ова е навистина точно.
Додека сите зборуваат за промените на телото, промените на лицето се занемаруваат иако се менува се – од изгледот на носот до бојата на косата, па и се појавуваат пеги. Некои од овие промени и трајно остануваат на лицето на жената.
Највпечатливата промена е во обликот на лицето како што може да се види и кај споменатата пејачка. Пред бременоста лицето и беше пополно и јаболчиците речиси и да не се забележуваа. Сето е последица на задржувањето вода во организмот заради што лицето на трудницата изгледа пополно и понежно. Заради лачењето на хормоните, особено естрогенот, водата се таложи во телото и тоа од рацете, па се до нозете и стапалата.
Се зголемува прокрвеноста на капиларите, па идните мајки изгледаат румени во лицето и имаат пополни образи. Се на се, жените тогаш изгледаат помладо, но, за жал, несаканиот ефект се забележува дури после породувањето. Тогаш доаѓа до појава на испиени образи, нагласени јаболчици и лош тен, а сето како резултат на губитокот на вода.
Се јавува и таканаречената трудничка маска, кога околу очите и усните се јавуваат кафеави кругови кои всушност се депигментација. До неа доаѓа како резултат на зголемувањето на меланинот кој ги бои кожата и косата.
Се јавуваат отечени очи, може да дојде и до промена на бојата, спуштени капаци и опаѓање на трепките и вегите. На сето тоа влијаат промените во нивото на естроген во телото на жената. Она што ги прави среќни е фактот дека за време на бременоста третина од жените имаат убава коса затоа што косата во овој период повеќе расте и помалку паѓа. Може да се случи и после породувањето да потемни, но и да стане помрсна и потенка.
Најчудната промена која се случува е врана за носот. Во бременоста носот се зголемува затоа што во третето тромесечје доаѓа до големо таложење на вода во телото. Иако на многу жени им велат дека кријат оти ставиле филери во усните за време на бременоста, како што тоа им се случи на Бијонсе и Ким Кардашијан, тие всушност може да се зголемат сосема природно.
