Кај повеќе од 4 од 10 жени со астма доаѓа до развој на хронична опструктивна белодробна болест (ХОББ), а пушењето и дебелината се меѓу најзначајните фактори на ризик, покажала студијата, спроведена во Канада на повеќе од 4 000 жени со астма.
Испитаниците биле следени околу 14 години по дијагностицирање на астмата. За време на овој период, кај 42 проценти од нив дошло до развој на ХОББ.
На посебен ризик од развој на ХОББ биле изложени жените, кои пушеле повеќе од една кутија цигари дневно во период од пет години
Инаку, ХОББ е главно предизвикана од пушењето и е трета водечка причина за смрт во САД, пишува „Annals of the American Thoracic Society“.
Хронична опструктивна белодробна болест (ХОББ) е бавно прогресивно нарушување кое се карактеризира со опструкција на дишните патишта. Со тек на време состојбата се влошува.
