Јаглехидратите одамна се на врвот на листата на проблемтични намирници, а особено на нивниот внес внимаваат оние кои сакаат да направат баланс на хормоните и да ја намалат телесната тежина. Секако, лоши се преработените јаглехидрати, попрецизно белото брашно и производите направени од него. Сложените јаглехидрати или едноставно кажано интегралните житарки се сосема друга приказна, бидејќи нивната придобивка за организмот е голема, па треба да се консумираат секогаш, но во умерени количини.
Но, според мислењето на лекарот и научник, Ејми Шаб, жените, кога се во прашање јаглехидратите треба да се раководат според својот менструален циклус.
“Многу поголема толеранција на јаглехидрати, односно поголема инсулинска чувствителност имаме во фоликуларната фаза на менструалниот циклус, односно во периодот од нултиот до 14 ден. За тоа време, може да јадеме јаглехидрати, па дури и оние лошите бидејќи естрогенот помага да се регулира инсулинот“, објаснува Шаб.
Повеќето жени ќе кажат дека во тој период имаат нагласена желба за слатка храна, грицки и останати нездрави намирници, а причина за тоа се хормоните. Сепак, токму таа храна ќе поттикне задржување на течности во телото и ќе направи да се чувствувате уште полошо.
Следниот пат кога ќе бидете во ПМС (предменструален синдром) сетете се дека треба да издржите само неколку дена, па тогаш, со почетокот на новиот циклус, без грижа на совест може да уживате во јаглехидратите.
