Доколку ви се случи периодот на менструација да настапи додека сте на одмор, тоа може да биде разочарувачки затоа што нема да можете да уживате во летувањето. Многу жени користат тампони и се капат и тоа е во ред, но доколку ова ви се случи важно е да ги испочитувате овие правила:
Никако во ладна вода
Доколку сте добиле менструација совет е да одбегнувате капење во вода која е студена. Жените се многу чувствителни за време на крвавењето и полесно може да се случи да настинат јајниците.
Капење и по излегување од вода
Доколку веќе не можете да се воздржите и морате да се искапете, тогаш веднаш штом ќе излезете од водата појдете под туш. Освен тоа, неопходно е тогаш и да го смените тампонот и да облечете сув костим за капење.
Водете сметка дека сето ова го правите во хигиенски услови и со чисти раце, за да не дојде до инфекција.
Сончање на лежалки
За време на оние денови пожелно би било да се сончате на лежалки, наместо на песок. На тој начин ќе спречите песокот да „влезе“ онаму каде што не треба.
