Забите не се тука само за да ви помогнат да зборувате и да џвакате, туку значително можат да влијаат и на тоа каков впечаток оставате пред другите. Еве неколку златни правила кои ќе ви помогнат да имате здрави и бели заби:
Внимавајте што јадете
Ако пушите, пиете кафе или чај, очекувајте дека тоа ќе се гледа на вашите заби. Исто така, газираните и засладени напитоици не се добри за забите. Факт е дека не можете да ги одбегнете баш сите овие намирници и напитоци, но она што можете да го направите е после консумацијата да ги измиете забите. И не заборавајте – јадете јаболка, тие ги чистат забите.
Редовно менувајте ја четкичката за заби
Четкичката или главата на електричната четкичка за заби менувајте ја на секои два до три месеци. Ако тоа не го правите, само ќе ги разнесувате бактериите по устата. Стоматологот доктор Херолд Кац вели, дека е најдобро забите да ги миете држејќи ја четкичката под агол од околу 45 степени, со нежни, кружни движења наместо напред – назад. Држете ја четкичката како молив (пенкало), значи, не притискајте затоа што така ќе ја оштетите забната глеѓ.
Чистете го јазикот
Секое утро чистете го и јазикот за да го освежите здивот. Инаку таложењето на бактериите на јазикот е една од најчестите причини за непријатен здив, заради што е важно секојдневно да го чистите и јазикот, а не само да ги миете забите.
Јадете храна која чисти
Храната која е цврста или крцкава помага да ги исчистите забите додека јадете. Веќе ги споменавме јаболката, но не заборавајте и на свежиот морков, целерот, како и на пуканките (и тие можат да бидат од помош). За најдобри резултати овие намирници кои ги чистат забите јадете ги последни, односно после оброк ако знаете дека немате можност веднаш да ги измиете забите.
Забите еднаш неделно мијте ги со сода бикарбона
Сода бикарбоната ќе ги отстрани дамките и ќе ги избели забите, но не ја користете повеќе од еднаш неделно. Нанесете мало количество на четкичката и истријте добро.
Користете течност за плакнење уста
Ако користите течност за испирање, внимавајте да биде без алкохол. Оние кои содржат алкохол ја сушат устата, која така станува поподложна на бактерии.
Мијте ги забите наутро и навечер
Забите можете да ги миете и почесто, но најважно е да ги измиете наутро и навечер, вели стоматологот доктор Кетлин Вилсон. Плунката се суши во текот на ноќта, па се насобираат бактерии – затоа е важно забите да се измијат наутро. Кога станува збор за миењето пред спиење, важно е затоа што така ќе ги отстраните остатоците храна кои им штетат на забите и кои во спротивно цела нок ќе „делуваат“.
