![MV-Oxy-1-5dbl](https://panacea.mk/wp-content/uploads/2018/06/MV-Oxy-1-5dbl-696x379.jpg)
Здрав хамбургер и златно млеко, газиран пијалак без калории и воздушен фитнес… Ова се здравите трендови за оваа година. Во продолжение дознајте како да се активирате физички, да ја изгубите непосакуваната тежина и да се храните поздраво без многу напор.
Лесни кардио вежби
Кардио вежбите со мал интензитет траат од 30 до 60 минути и се прават во место. Претходно се веруваше дека само интензивните и напорни вежби ќе ви помогнат да ги согорите масните наслаги. Но во 2018 година лесните вежби стануваат многу популарни. Овде спаѓа возење велосипед, пешачење, јога и пливање. Овие вежби ќе ви помогнат во неколку работи:
- Го намалуваат ризикот од срцеви заболувања и ја намалуваат телесната тежина;
- Го подобруваат здравјето на луѓето пред развивање дијабетес;
- Помагаат во градењето мускулна маса повеќе од интензивните тренинзи.
Златно млеко
Куркумата му дава на млекото златна нијанса, па од овде доаѓа и името. За да се осигурате дека правилно ќе се обработи, додајте и малку бибер. Куркумата е одлична за вашето здравје поради неколку причини:
- Ги штити невроните и го спречува проблемите со мозокот;
- Ја спречува реумата;
- Го штити срцето благодарение на антиоксидансите;
- Ги ублажува симптомите на депресија.
Вертикален фитнес
Овој начин на вежбање ја подобрува издржливоста и координацијата. Постојат неколку видови воздушен фитнес и сите до еден се навистина интересни. Можете да пробате воздушна јога, танцување на шипка и слично.
Органско вино
Грозјето се наоѓа на листата на најзагадено овошје – 96 проценти од продуктите содржат траги од пестициди. Органското вино се произведува од грозје одгледано без пестициди. Тоа содржи важни антиоксиданси и не е штетно за вашето здравје. Кога купувате органско вино, добивате производ направен од грозје одгледано на природен начин што содржи малку сулфати. Ако виното е органско, на него ќе има сертификат.
Адаптогени
Адаптогените се печурки и тревки кои го намалуваат стресот. Овде спаѓаат рузмарин, гоџи бобинки, спирулина, ѓумбир… Тие се користеле со векови во кинеската медицина, а нивните корисни својства се и научно потврдени. Тие ќе ви помогнат во неколку нешта:
- Ја одржуваат концентрацијата кога сте изморени;
- Ги намалуваат последиците од стресот;
- Ја зголемуваат вашата ефикасност и го подобруваат расположението.