Слабејте низ игра: За 30 минути вртење ’хула хоп’ ќе потрошите 500 калории

Тренинзите на отворено се дефинитивно многу подобра опција од задушливите теретани затоа што телото добива повеќе кислород и витамин Д заради изложувањето на сончевите зраци, а посебно им се препорачува на оние кои патат од депресија или се борат со секојдневни напливи на нервоза.

Вежбањето на отворено е двојно поефикасно од вежбањето во затворен простор затоа што природата и зеленилото позитивно влијаат на мозокот и го намалуваат нивото на стрес и им помагаат на оние кои имаат проблем со спиењето. Освен што има позитивно влијание врз менталното здравје вежбањето на свеж воздух е мошне практично, може да се прави секогаш и секаде, па дури и кога сте на одмор.

На пример, одбојката на песок е одлична за мускулите и тетивите во стапалата кои цела година се затворени во чевли. Освен тоа одлична е и за држење на телото и го отвора градниот кош. Фрлањето фризби е симпатичен спорт кој е одличен за вежбањето на прецизноста и координацијата. Можете да ја менувате раката со која додавате и така ќе ги развивате двете хемисфери, ако при тоа и одите тогаш имате уште поголема потрошувачка на калории.

Бадминтонот ја развива координацијата, подвижноста, потоа овозможува брза реакција и прецизност, ги вклучува сите мускулни групи, а може да се загубат и околу 400 калории за еден час. Јогата е активност која посебно се препорачува да се вежба во природа и на отворено. Одлична е за почеток на денот или, пак, како растоварување после напорен тренинг и за рамнотежа на хормоните.

Потрошувачка на калории за 60 минути со оглед на телесната активност и тежината:

 

  • Бадминтон рекреативно, умерено >>> 80 кг – 475 калории
  • Велосипедизам за забава, како транспорт 22 км/ч >>> калории
  • Бокс – спаринг  >>> 80 кг – 950 калории
  • Бокс, удирање вреќа >>> 80 кг – 634 калории
  • Боречки вештини (џудо, карате…) >>> 80 кг – 1056 калории
  • Одење 3,5 км/час >>> 80 кг – калории
  • Одење 8 км/час >>> 80 кг – калории
  • Лизгање >>> 80 кг – 739 калории
  • Кошарка >>> 80 кг – 845 калории
  • Фудбал >>> 80 кг – 845 калории
  • Одбојка >>> 80 кг – 317 калории
  • Планинарење >>> 80 кг – 634 калории
  • Пливање >>> 80 кг – 634 калории
  • Ракомет >>> 80 кг – 1267 калории
  • Скијање >>> 80 кг – 634 калории
  • Пинг понг >>> 80 кг – 422 калории
  • Јога >>> 80 кг – 264 калории
  • Тенис >>> 80 кг – 739 калории
  • Трчање 13,5 км/ч >>> 80 кг – 1478 калории
  • Трчање 9,5 км/ч >>> 80 кг – 422 калории
  • Ватерполо  >>> 80 кг – 1056 калории
  • Вежбање на силата без реквизити >>> 80 кг – 370 калории
  • Хула хоп 30 минути >>> 80 кг – 500 калории
  • Ролање 60 минути >>> 80 кг – 587 калории
  • Прескокнување јаже 60 минути >>> 80 кг – 840 калории
  • Фрлање фризби >>> 80 кг – 252 калории