Верувале или не, но постои најдобар дел од денот за мерење на телесната тежина, открил за Women’s Health доктор Чарли Селцер, стручњак за дебелина.
„Еднинствениот пат кога би требало да застанете на вага во денот е утрото, веднаш штом ќе обавите нужда. Важно е за време на мерењето на себе да немате облека. Така ќе го добиете најточниот можен резултат за своите килограми“, рекол лекарот и додал дека во случај да сакаме секојдневно да се мериме би морале да бидеме спремни на тоа дека бројките на вагата ќе варираат во зависност од тоа што сме јаделе претходниот ден.
Ако се трудите да загубите некој килограм, веројатно, ќе сакате да знаете дали делуваат промените во вашата исхрана.
Некои истражувања дури и потврдиле дека мерењето е важно за да се постигне целно губење тежина. Студија од 2018 година објавена во магазинот Circulation, открила поврзаност меѓу поголемиот губиток на тежина и честите мерења во однос на оние луѓе кои тоа го правеле еднаш неделно или поретко.
Ако сакате да ја следите состојбата, најдобро е да ги бележите килограмите и после еден месец ќе видите во која насока се движите. Сепак, секојдневното мерење за некои луѓе може да биде вознемирувачко искуство, особено за оние кои во животот се соочиле со некои од пореметувањата во исхраната.
„Како и кај кои било други интервенции со килограмите, ако мерењето не ви создава стрес и ве усреќува, би требало да продолжите да го правите тоа. Ако негативно влијае на вас, престанете со оваа навика“, вели доктор Селцер.
