Ананасот е една од намирниците која е најмалку загадена со пестициди, бидејќи има дебела кора и е релативно отпорен, па во неговото одгледување не треба често да се користат пестициди и други заштитни средства. Кои се останатите придобивки од ананасот?
Свежиот ананас има ниска калорична вредност и е богат е со бројни витамини и минерали.
Во 100 г ананас има околу 50 калории, слично на јаболка.
Ананасот содржи ензим бромелаин, кој учествува во варењето на храната. За бромелаинот се верува дека има антивоспалителни, антиканцерогени и антикоагулациони својства
Истражувањата покажале дека редовната консумација на ананас помага во борбата против артритис, лоша дигестија и зараза со глисти.
Свежиот ананас е одличен извор на витамин Ц, бидејќи во 100 г ананас се наоѓа речиси 50 мг. Витаминот Ц е неопходен за синтезата на колагенот во телото, кој е главен структурен протеин во телото важен за градење на крвните садови, кожата, органите и коските. Меѓу другото, витаминот Ц е важен и за нормална имунолошка функција.
Ананасот содржи и витамин А во облик на бета каротен. Исто така, ананасот може да се пофали и со витамини од Б-групата и калиум. Калиумот е важен за контрола на работата на пулсот и за крвниот притисок.
Ананасот не се препорачува да се јаде за време на менструација, бидејќи ја поттикнува циркулацијата, а тоа може да резултира со пообилно крвавење.
