Избегнувајте го ова овошје за време на менструалниот циклус

За време на менструацијата треба да се избегнуваат сите намирници кои го содржат ензимот бромелаин, кој ја поттикнува циркулацијата

За време на менструалниот циклус, жените мора да водат сметка за физичките активности, но и за исхраната.

Иако на жените им се препорачува да пијат што повеќе течности и да јадат овошје, постои еден тип на овошје што треба да го избегнуваат.

Порталот „Well+Good“ пишува дека за време на менструацијата треба да се избегнуваат сите намирници кои го содржат ензимот бромелаин, кој ја поттикнува циркулацијата.

Едно од овошјата кое содржи високо ниво на бромелаин е ананасот, кој кај жените предизвикува зголемено производство на бели и црвени крвни клетки, поради што може да се јави пообилно крвавење. Покрај тоа, исто така, може да предизвика и оштетување на слузницата на матката.

Во екстремни случаи, превисокото ниво на овој ензим кај бремени жени може да предизвика спонтан абортус. Затоа се советува да се исфли ананасот од исхраната уште во почетокот на бременоста.