Понекогаш и мали количини на алкохол може да влијаат на нашата способност за безбедно возење. Но, знаеме ли воопшто колку долго алкохолот останува во нашиот организам и дали има разлика според временските услови?
“Кога алкохолот ќе влезе во крвта, тој минува низ црниот дроб, која потоа го разградува. За разградувањето е одговорен ензимот алкохол-дехидрогеназа, чија количина присутна во црниот дроб зависи од зачестеноста на внесување на храна. Значи, не само што со пиењето на празен желудник ги чувствуваме неговите ефекти, туку многу брзо и подолго алкохолот се здржува во крвта и посилно влијае на мозокот“, вели д-р Џорџ Кооб, директор на Националниот институт за злоупотреба на алкохолот и алкохолизам.
Главна работа на црниот дроб, потенцира тој, е филтрирање на крвта која тече низ дигестивниот систем во остатокот од телото. Во процесот на разградување на алкохолот што се консумира, црниот дроб наидува на токсини. Со претерано консумирање на алкохол, црниот дроб може да стане замастен, а може да настанат и лузни кои тогаш го ограничуваат протокот на крв. Тоа може да предизвика смрт на клетките на црниот дроб, што може да ја ослаби неговата функција.
Колку долго ќе остане алкохолот од крвта, зависи исклучиво од вашата висина, тежина и години.
“Повеќето луѓе, половина од пијалакот може да го разградат за еден час, односно 30 милилитри. Просечно време потребно црниот дроб да разгради чаша од 250мл вино се три часа. За половина литар пиво потребни се два часа“, истакнува Кооб.
Алкохолот може да се открие и до шест часа подоцна во крвта, околу 12 до 24 часа во здивот, урината, плунката и до 90 дена во косата.
