Веќе подолго време се обидувате да забремените, но вашите очекувања никако да се исполнат. Верувате дека постојат ритуали кои ќе ги зголемат шансите или можеби правите нешто што го успорува процесот? Ова е лекарски одговор на овие прашања.
Во литературата не постои одговор кој е оптималниот период на апстиненција за да се постигне максимален квалитет на семената течност и со тоа да се зголеми шансата за природно оплодување.
Уште во 1952 година двајца истражувачи утврдиле дека однос со партнерот два до три пати во неделата ја зголемува шансата за постигнување на бременост, бидејќи со помал број на односи може едноставно да се „промаши“ овулациониот прозорец и може да влијае на квалитетот на семената течност.
Неколку научни студии покажале дека подолгата апстиненција ќе ја зголеми концентрацијата и бројот на сперматозоиди, но може негативно да влијае на нивната развдиженост.
Апстиненцијата повеќе од 10 дена го намалува квалитетот на сперматозоидите (поголема концентрација на неподвижни сперматозоиди), како и апстиненцијата помала од два дена (намалена концентрација на сперматозоиди). Секако, велат стручњаците, се зависи од квалитетот на семената течност и процесот на сперматогенеза на што големо влијание има начинот на живот, анамнеза, стрес…
Спермограмот, кој го покажува квалитетот и движечката моќ на сперматозоидите е начин на кој парот може да добие точен совет колку често и кога е потребно да има односи за да се зголеми шансата за спонатно забременување.
