![1439721_secer-shutterstock_ls](https://panacea.mk/wp-content/uploads/2019/09/1439721_secer-shutterstock_ls-696x464.jpg)
Ако не сте од оние кои можат да се сетат кога и што изеле во текот на денот, а сакате слатки, мошне е веројатно да претерувате со внес на шеќер. Најчеста причина за претерување е што освен стандардни слатки се консумираат и јаглехидрати како леб, тестенини, печива…
Овие неколку знаци кои ги испраќа телото може да ви покажат дали јадете премногу шеќер.
Варирање на тежината
Зголемениот внес на шеќер, дури и со зголемена физичка активност, неизбежно води до зголемување на телесната тежина. Од друга страна, доколку често јадете слатки, а не вежбате, и притоа не се дебелите, туку слабеете, потребно е веднаш да направите контрола на нивото на шеќер во крвта.
Послаба работа на мозокот
Проблемите со концентрацијата, размислувањето и расудувањето се поизразени кај личностите кои го задоволуваат гладот со прости шеќери. Со текот на времето тие стануваат се поизразени.
Пореметување на вкусот
Личностите кои пречесто јадат слатко со текот на времето го губат чувството за вкус. Важна станува само слаткоста, но тешко се разликува дали се јаде чоколадо, сладолед или нешто трето.
Промени на кожата
Вишокот шеќер во крвта се врзува за протеините и така се формираат штетни молекули наречени АГЕ, кои ги напаѓаат околните протеини, вклучително и протеинските влакна во колагенот и еластинот, состојки кои прават кожата да изгледа цврста и еластична. Како резултат доаѓа до создавање брчки и опуштање на кожата.
Ненадеен апетит
Ненадејниот напад на глад се појавува затоа што шеќерот провоцира лачење на големи количества инсулин. Кога инсулинот заради „празните калории“, каков што е шеќерот, почнува подеднакво вртоглаво да опаѓа се јавува напад на глад кој може да биде проследен со морници и треперење. Интересно е дека ваквиот ненадеен напад на глад луѓето најчесто тежнеат да го задоволат токму со слатки.
Чувство на студ
Премногу шеќер во исхраната доведува до дестабилизација на имунитетот и влијае на комплетниот крвоток. Затоа може да се случи да ви е ладно, без разлика дали сте внатре или надвор, без оглед на тоа што гардеробата во која сте и температурата се оптимални.
Умор
Оние кои јадат премногу шеќер се чувствуваат уморно и тромаво. Одделни истражувања дури укажуваат и на врската меѓу шеќерот и депресивното расположение.