Според медицинските стручњаци ова се знаци кои не смеете да ги игнорирате, а кои кажуваат дека не сте здрави колку што мислите:
Белки
Како што и кажува самото име секогаш би требало да бидат бели, секако, освен во случај на ненаспаност или настинка, во спротивно овој дел од окото може да открие и некои опасни промени во организмот. Жолтата белка може да укажува на жолтица, проблеми со црниот дроб и жолчката. Црвената може да биде знак за висок крвен притисок или вирусно заболување како конјунктивитис.
Испукани усни
Непријатните пукнатини на усните најчесто настануваат заради промени на температурата и ветрот. Но пукнатините кои често се појавуваат на краевите од усните и внатрешните ранички можат да бидат знак за недостаток на витамин Б и цинк. Ако пукањето стане зачестена појава, причина може да биде габична инфекција.
Оток на вратот
Ако сте забележале дека вратот ви изгледа отечено, што е можно поскоро побарајте лекарски совет. Оток на предниот дел од вратот најчесто е предизвикан од проблеми со штитната жлезда, кои се вообичаени кај жените меѓу 20 и 50 години.
Губење на веѓите
Веѓите со текот на времето стануваат поретки, што е нормална појава, но наглото губење на влакненцата може да биде знак за проблеми со штитната жлезда, хипертиреоза – преактивна штитна жлезда или хипотиреоза – намалена работа на штитната жлезда.
Бела коса и пред 40 година од животот
Белите влакна се природна појава која често зависи од генетиката. Но ако имате повеќе од 50 отсто бела коса веќе во 30 година од животот, а такви случаи немате во семејството, тоа може да биде знак за дијабетес.
Црвени дланки
Зажарени и црвени дланки може да се резултат на дерматитис, екцема или алергиски реакции на метали, лекови, одредена храна или пијалаци. Но, исто така, ваквата промена може да биде знак на отежната работа и болести на црниот дроб.
Студени стапала
Стапалата се дел од телото кои се најоддалечени од срцето и заради тоа васкуларните болести прво се манифестираат на нив. Рејновата болест претставува автоимуна болест која предизвикува стегање на крвните садови во деловите од телото како што се прстите на нозете и рацете, носот и ушите, заради што тие стануваат студени, бледи, па и трнат.
Црвени образи
Иако наглите промени на лицето се вообичаени за жените на возраст меѓу 30 и 55 години и можат да бидат предизвикани од хормонски промени, промена на температурата и лута храна, румените образи можат да упатуваат на розацеа – хронична кожна болест која ги погодува претежно жените, а чиј причинител е непознат.
