Симптоми на дехидратација: Грчевите во мускулите и запекот се само некои од сигналите што ги испраќа телото

Ова се некои од симптомите на дехидратација на кои треба да се обрне внимание:

Дехидратацијата настапува тогаш кога вашето тело губи повеќе течности отколку што добива, а ова најчесто се случува кога вежбате или кога сте болни. Меѓутоа ова не е единствениот знак дека ви е потребна вода. Ова се некои од симптомите на дехидратација на кои треба да се обрне внимание.

Грчеви во мускулите

Кога губите течност мускулните нерви испраќаат сигнал до мозокот дека нешто не е во ред, па почнуваат да се грчат. Исто така, кога вежбате и губите течност создавате дисбаланс на електролитите во мускулите.

Се зголемува желбата за слатко

Органите како што е црниот дроб користат вода за да функционираат и да ги обавуваат своите задачи во кои спаѓа отпуштањето на гликоген.

„Ако црниот дроб не го добива своето ’гориво’ тогаш не може да функционира како што треба и целиот систем се ремети. И што правиме тогаш? Јадеме“, вели д-р Сегал, кој се занимавал со оваа проблематика, додавајќи дека тогаш слатките се најпривлечната храна, како и дека желбата за слатки и слатки напитоци претставува знак за дехидратација.

Се чувствувате малаксано и ви се врти

Доколку вашето тело е хидрирано тогаш крвниот притисок ќе биде нормален. Штом има недостаток на течност, притисокот почнува да паѓа што води до малаксаност и вртење.

Поретко одите во тоалет

Доколку не внесувате доволно течности нема често да одите во тоалет, а ако имате голем проблем со дехидратацијата, тоа ќе биде забележително и на вашата бешика.

„Ако инаку одите во тоалет на секои два-три часа, а ви се случува да не сте отишле повеќе од 8 часа, тогаш имате голем проблем со недостатокот на течности во организмот“, вели д-р Сегал и додава дека ова може да претставува голме проблем затоа што телото не ги „решава“ токсините и вие се ставате во опасност во бубрезите да ви се создаде камен.

Во повеќето случаи проблемите со дехидратација можат да се решат така што едноставно ќе почнете да консумирате повеќе вода. Посветете внимание на знаците кои ви ги испраќа телото. Ако дехидратацијата е посериозна, можете да се доведете во животна опасност, па ако се најдете во ситуација во која ви се врти или не можете да одржите рамнотежа – веднаш на инфузија.