Кога станува збор за перименопауза и менопауза, состојба која се случува кај секоја жена, симптомте се манифестираат различно кај секоја од нив. Кај некои почнуваат порано, кај други подоцна, а нивното траење исто така е различно. Следниве 15 промени се најчести:
Чувствителност на градите – Непријатните хормонски флуктуации може да предизвикаат циклична чувствителност на градите, дури и кога не сте во ПМС (пред менсруален синдром).
Неочекувани модрици – Перименопаузата кај некои жени може да предизвика, и при најмало удирање да се појават големи модрици. Тоа е затоа што флуктуацијата на хормоните ја слабеат кожата.
Суви очи – Иако звучи чудно, прекумерното солзење е знак дека очите очајно се обидуваат да го надокнадат недостатокот на влажност. Хормоните влијаат на очното ткиво и создаваат солзи, што доведува до прекумерно суви очи и промени во видот.
Влакна на брадата – Кај повеќето жени, влакна на брадата, надусниците или образите се вообичаен симптом на перименопауза. А, косата станува сува, кршлива и се проретчува.
Чукање на срцето – Неочекувано забрзување или неправилна работа на срцето е чест симптом во перименопаузата. Истражувањата покажуваат дека епинефрин и норепинефрин, невротрансмитери , кои ја регулираат брзината на отчукувањата на срцето и крвниот притисок, имаат тенденција да флуктуираат кај жените во менопауза.
Итна потреба за мокрење – Ниското ниво на естроген доведува до тенчење на внатрешноста на мочниот меур.
Сува кожа – Ниското ниво на естроген предизвикува појава на акни и сувост на кожата кај многу жени кои влегуваат во менопауза. Исто така, сосема е вообичаено да дојде до воспалителни процеси на кожата или да се појават алергии и егзема.
Непријатни мириси – Секако прекумерното потење, кое оди рака под рака со ноќното потење и топлите бранови, доведува до непријатни мириси.
Мигрена – Мигрената може да започне по прв пат, или да стане поинтензивна кога поминувате низ менопауза. Но добра вест е што хормоналната мигрена може да престане по менопаузата, кога нивото на хормоните се многу ниски.
Вагинална сувост – Многу непријатен симптом кој се случува по падот на нивото на естроген, а крајните резултати се тенко, суво и помалку еластично вагинално ткиво, како и помал доток на крв во ова подрачје. Покрај ова се јавуваат и чешање и болен однос.
Неподнослива жештина – Сигурно сте чуле за топлотни бранови. Кај некои жени се почести,а кај некои поретки. Предизвикани поради падот на естроген, кој влијае на жлездата која реагира на телесна топлина, може да се појави било кога, и преку ден и навечер. Траат од неколку секунди, до половина час па и повеќе.
Промена на телесната тежина – Дополнителни масни наслаги во пределот на абдоменот се честа појава кај жените во менопаузата. За оваа појава влијаат повеќе фактори: хормони, исхрана, вежбање, стрес и генетика. Совет е да бидете физички активни и да внесувате доволни количини на белковини.
Нередовна менструација – Менструацијата е пократка и помалку обилна еден месец, а веќе наредниот може да трае подолго и да биде пообилна. Ова е дел од перименопауза. Ова е најчест период кога доаѓа до несакана бременост.
Губење на коскената маса – Поради тоа што јајчниците произведуваат помалку естроген доаѓа до губење на коскената маса, па ризикот од остеопороза е повисок, а се зголемува и ризикот од полесно кршење на коските.
Нејасни мисли – Хормоналното пореметување, заедно со симптомите за перименопауза, како што се промените на расположението и проблеми со спиењето, може да влијаат на тоа повеќе да заборавате, а и помалку сте фокусирани. Стресот, исто така има важна улога во сето ова. Тешко ви е да се опуштите, особено кога поминувате низ перименопауза.
